پیرس۔7اگست (اے پی پی) اولمپکس گیمز اچ ݙوجھی واری نیزی بازی مقابلیاں اچ فائنل راؤنڈ اچ کوالیفائی کرݨ آلے پاکستانی مایہ ناز اتھلیٹ27 سالہ ارشد ندیم آکھیا جو او اولمپک اچ ملک تے قوم دا ناں روشن کرݨ چاہندن، فائنل مقابلے اچ جت کیتے قوم توں دعائیں دی اپیل اے۔ پیرس اولمپکس گیمز 2024اچ پاکستان کیتے میڈل دی امید ارشد ندیم 24 کروڑ پاکستانیاں دا خواب پورا کرݨ آلے پاسے پہلا قدم ڳھندیں ہوئیں جیولن تھرو دے فائنل کیتے کوالیفائی کر ڳھدے۔ ارشد ندیم پہلی واری اچ 86.59 دی تھرو کرتے کوالیفائی کیتے۔ اولمپکس گیمز، ارشد ندیم جیولین تھرو فائنل مقابلے اچ خمیس کوں نیزہ بازی دے جوہر ݙکھیسن۔ ارشد ندیم 8 اگست کوں جیولن تھرو ایونٹ دے فائنل اچ نیزہ بازی دے جوہر ݙکھیسن۔
