ڈھاکہ۔8اگست (اے پی پی) نوبل انعام یافتہ ماہر معاشیات اتے بینکار ڈاکٹر محمد یونس عبوری حکومت دے سربراہ دے طور حلف چاوݨ کیتے بنگلہ دیش روانہ تھی ڳئے۔ انڈیا ٹوڈے دی رپورٹ دے مطابق 84 سالہ محمد یونس علاج کیتے فرانس دے دارالحکومت پیرس اچ موجود ہن۔ بنگلہ دیشی فوج ولوں جاری بیان اچ آکھیا ڳئیا جو ڈاکٹر محمد یونس دی قیادت اچ عبوری حکومت اڄ خمیس دی رات کوں مقامی ویلھے موجب اٹھ وڄے حلف چیسی۔ رپورٹ موجب بنگلہ دیش اچ احتجاج پاروں اقتدار چھوڑ تے بھارت ونجݨ آلی سابق وزیر اعظم حسینہ واجد اتے بھارتی حکومت اچ انہاں دے خیر خواہ انہاں کیتے کہیں یورپی ملک اچ سیاسی پناہ دی کوششاں کریندے پئن۔
