اسلام آباد۔12اگست(اے پی پی)وفاقی وزیر تجارت جام کمال خان آکھیے جو ہالینڈ اچ پاکستان دا سفارتخانہ ٹریڈ ڈویلپمنٹ اتھارٹی آف پاکستان دے ڳانݙھے نال زرعی برآمدات ودھاوݨ اتے یورپی یونین نال چنڳے تعلقات کیتے ودھ کم کریندا پئے۔ ہک بیان اچ انہآں آکھیے جو ہالینڈ اچ پاکستانی سفارتخانے کراچی اچ بین الاقوامی نمائش فوڈ اے جی 2024 دی کامیابی اچ ودھ کردار ادا کیتے، ایں نمائش ہک واری ول عالمی سطح تے ملک دی ودھ اتے متنوع زرعی مصنوعات کوں اڳونہا کیتے، سفارتخانے سٹریٹجک اقدامات نال ڈچ مارکیٹ اچ فوڈ اے جی2024 سانڳے کم کیتے اتے ݙو اہم آن لائن میٹنگز کرائن جیندے نال معروف زرعی فرم ایچ وی اے انٹرنیشنل ڄئیں ڈیری فارمنگ، زرعی اجناس، چاول دی پیداوار ودھاوݨ، خوراک دی برآمدات ڄݙاں جو ڈچ آلو دے بیج پالݨ آلے کاشتکاراں وچال تعاون کیتے سہولت ݙتی اے۔
