اسلام آباد۔ 13 اگست(اے پی پی) بنگلادیش دی کرکٹ ٹیم پاکستان دے خلاف ٹیسٹ سیریز کھیݙݨ کیتے لاہور پڄ گئی اے۔ بنگلادیش ٹیم کوں سخت سکیورٹی اچ نجی ہوٹل پچایا گئے۔ شیڈول دے مطابق مہمان ٹیم اڄ آرام کریسی اتے 14 اگست کوں لاہور دے قذافی سٹیڈیم اچ پہلا ٹریننگ سیشن کریسی۔ 3 ݙینھ تئیں ٹریننگ دے بعد 17 اگست کوں بنگلادیش دی ٹیم اسلام آباد ویسی۔ مہمان ٹیم اپݨے دورے اچ 2 ٹیسٹ میچز دی سیریز کھیݙسی۔ سیریز دا پہلا میچ 21 اگست توں راولپنڈی ڄݙاں جو ݙوڄھا ٹیسٹ 30 اگست توں کراچی اچ شروع تھیسی۔
