انقرہ ۔16اگست (اے پی پی) فلسطینی اتھارٹی دے صدر محمود عباس ترک پارلیمان توں خطاب کریندے آکھیے او غزہ ضرور ویسن ۔ العربیہ موجب انھاں آکھیے او فلسطینی رہنماواں دے رلے غزہ ویسن ۔محمود عباس اپݨے عربی زبان اچ کیتے ڳئے خطاب اچ آکھیے میں غزہ ونڄݨ دا فیصلہ کیتے میں ایں تے ضرور عمل کریساں بھاویں میݙی جان کیوں نہ چلی ونڄے ، ساݙی زندگی عام فلسطینی ٻال توں زیادہ قیمتی کائنی ۔محمود عباس آکھیے غزہ پورے دا پورا فلسطین دا اے اتے اساں ایندی ونڈ قبول نہ کریسوں
