اسلام آباد۔19اگست(اے پی پی) معذور ٻالاں دی تربیت سانگے ہم راہ مشعل فاؤنڈیشن اہم کردار ادا کریندی پئی اے ۔ترائے ماواں جنھاں دے بال سپیشل ان ۔ست سال پہلے لوکیں دے طعنے توں تنگ تھی تے آپدے بالاں تے انھاں سنویں معذور بالیں دے مسقبل سانگے ہک فاونڈیشن دی بنیاد رکھی ۔بانی فاونڈیشن دا آکھݨ ہا جواساڈے ہوندے بالیں کوں ہر ویلھے معاشرے اچ بری طرح نظر انداز کیتا ویندا اے تے اساں سوچیا جو ایجھے بالیں دے ماپیو دے بعد انھاں دا کیا ٻݨسی تاں اساکوں کوئی وی ادارہ نہ لبھدا ہا اساں آپ لاہور اچ بنیاد رکھی تے 10 مہینیاں اچ 3 کروڑ کٹھے کر گھدوسے۔ہݨ 200 معذور بال ان جیڑھے وکھو وکھ تربیت گھندے پئیںن اساں 15 ووکیشنل ٹریننگ کورس کرویندے پئے ہیسے۔تے سب توں وڈی کامیابی تربیت ڳھنݨ آلے 90 بال نوکریاں کریندے پئین ۔ انھاں دا بیا آکھݨ ہا جو مݙے معذور بال میڈی کمزوری بݨ گئے جتھ ونجو ہا لوک گالھیں کریندے ہن تے ول قدرت انھاں بالیں کوں میڈے سانگے طاقت بنڑا ڈتا ۔انھاں دی وجہ توں اساں ملک دے بئے معذور بالیں کیتے پروگرام شروع کیتے تے اساں ہݨ اسلام آباد دے شہر اچ وی آپدا دفتر ٻݨیسوں۔اساݙے نال سوشل ویلفیئر ڈیپارٹمنٹ جڑیا ہوئے تے پنجاب اچ چمن تے نشیمن نال رل کے کم کریندے ہیں اتے مسکن ووکیشنل ٹریننگ تے سکلز سکھیندے۔ہم مشعل راہ دی ٹیم آمنہ آفتاب ، اریج فاروق سبھے مہمانیں دا شکریہ ادا کیتا تے شرکاء توں ارداس کیتی جو ایں نیک کم اچ انھاں دی مدد کیتی ونجے ۔تقریب اچ فاونڈیشن دے ایگزیکٹو ڈائریکٹر خلیق خان نیازی ست سال دے پندھ بارے آگاہ کیتا ۔
ڈاکٹر سعدیہ کمال
