راولپنڈی۔20اگست (اے پی پی) پاکستان اتے بنگلہ دیش دی کرکٹ ٹیماں وچال ݙو میچاں دی سیریز دا پہلا ٹیسٹ میچ کل بدھ توں راولپنڈی اچ شروع تھیسی۔بنگلہ دیش دی کرکٹ ٹیم پاکستان دے دورے تے آئی ہوئی اے اتے او آپݨے دورے اچ پاکستان نال ڈو ٹیسٹ میچاں دی سیریز کھیݙسی۔ پاکستان ٹیم کوں مایہ ناز بلے باز شان مسعود لیڈ کریسن جڈانجو مزمان بنگلہ دیشی ٹیم نجم الحسن شانٹو دی قیادت اچ کھیݙسی۔ ݙوہیں ٹیماں وچال ݙوجھا اتے چھیکڑی ٹیسٹ میچ 30 اگست توں 3 ستمبر تئیں راولپنڈی کرکٹ سٹیڈیم اچ کھیݙیا ویسی۔
