راولپنڈی۔20اگست(اے پی پی)پاکستان اتے بنگلہ دیش وچال پہلا کرکٹ ٹیسٹ صبحائیں 21 اگست (ٻدھ) کوں راولپنڈی اچ کھیݙیا ویسی۔ قومی کرکٹ ٹیم دے کپتان شان مسعود آکھیے جو بنگلہ دیش دے خلاف چنڳاں کھیݙ ݙکھیسوں۔ راولپنڈی اچ پریس کانفرنس کریندے کپتان شان مسعود دا آکھݨ ہا جو راولپنڈی دی وکٹ تے سپن باؤلنگ ودھ مؤثر ثابت تھیسی، ٹیم اچ معیاری فاسٹ باؤلرز ہین ٻھل چنڳی کارکردگی ݙکھیسوں۔ انہاں آکھیا جو اپݨے ہوم میچز جیتݨن، امید اے محمد ہریرہ چنڳاں چݨائو ثابت تھیسن اتے اوپننگ کریسن، کوشش ہوسی جو کنڈیشن دے مطابق ٹیم کھیݙے۔ ٹیسٹ سکواڈ اچ کپتان شان مسعود توں علاوہ بابر اعظم، سعود شکیل، محمد ہریرہ، عبداللہ شفیق، محمد رضوان، سلمان علی آغا، شاہین شاہ آفریدی، خرم شہزاد، نسیم شاہ، محمد علی اتے ابرار احمد شامل ہین۔
