راولپنڈی۔21اگست(اے پی پی)پاکستان اتے بنگلہ دیش وچال کھیݙیا ونڄݨ آلے راولپنڈی اچ پہلے ٹیسٹ میچ دا پہلا ݙینھ مکݨ تے پاکستان 4 وکٹاں ونڄا تے 158 رنز ٻݨا ڳھدن۔ بنگلہ دیش دے ٹاس جیتݨ تے پہلے بیٹنگ دی دعوت تے گرین شرٹس ولوں صائم ایوب اتے عبداللہ شفیق اوپننگ کیتی۔ قومی ٹیم دے 3 کھلاڑی صرف 16 رنز تے پویلین ٹر ڳن۔ اوپنر بلے باز عبداللہ شفیق 2 رنز، کپتان شان مسعود 6 رنز اتے سابق کپتان بابر اعظم بغیر کھاتہ کھولیے آئوٹ تھین۔ ایں موقع تے صائم ایوب ذمہ داری نال کھݙدے 56 رنز ٻݨائن اتے آئوٹ تھی ڳن۔
RAWALPINDI: August 21 Pakistani batsman Saud Shakeel celebrates after scoring a half-century (50 runs) during the first day of the 1st Test cricket match playing between Pakistan and Bangladesh at Pindi Cricket Stadium. APP/ADZ/TZD/ABB
پہلے ݙینھ دا کھیݙ مکݨ تے قومی بلے باز سعود شکیل 57 اتے محمد رضوان 24 رنز نال کریز تے موجود ہین۔ میچ بارش توں بعد میدان دے سنے ہووݨ پاروں دیر نال شروع تھئے۔
