اسلام آباد۔ 27 آگست (اے پی پی) ايبٹ آباد اچ ڈوڈینھ دے ادبی میلا منعقد کيتا گيا، ادبی میلے اچ نینگراں ودھ چڑھ تے حصہ گھدا۔ ادبی میلے اچ ٹینا ثانی مہمان خصوصی ہن، میلے اچ بالڑیاں ٹینا ثانی تے بئے مہمانیں سامنڑے شاندار پرفارمنس پیش کیتی۔ اوں توں بعد موسیقی دے آئٹم ڈکھائے گئے تے وت ہک مالماتی نشست جیندا موضوع اج دے دور اچ تریمت کوں ادبی تے فنی اظہار دے تجزئیے تے گالھ مہاڑ کیتی گئی جیندے اچ اسلام آباد توں انٹرنیشنل اسلامک یونیورسٹی دے شعبہ اردو دی ایسوسی ایٹ پروفیسر ڈاکٹر حمیرا اشفاق تے کراچی گرین وچ یونیورسٹی دے سوشل سائنسز دی اسسٹنٹ پروفیسر ڈاکٹر شازیہ ناصر تے عالمی شہرت یافتہ کلاسیکل سنگر ٹینا ثانی موجود ہن ۔صحافی ڈاکٹر سعدیہ کمال نے سیشن دی نظامت کیتی تے شرکاء کو نال رلیندے ہوئے سینکڑاں بالاں کوں جینڈر تے تریمت دی امپاورمنٹ دی دلچسپ تے بھرپور معلومات ڈتیاں گیاں ۔نینگراں سوال کیتے تے ٹینا ثانی توں گاونڑ سنڑئیے گئے ۔پہلے ڈینھ دے اخیر تے ہزارہ دھرتی دے شاعر اتے سنگر شکیل اعوان ڈاڈھی سوہنڑی پرفارمنس پیش کیتی، لوکیں فرمائشاں کرتے پنجابی ، ہزارگی ، پشتو ، اردو گاونڑ سنڑاے تے نینگراں توں خوب داد گھدی تے اخیر اچ سندھی اچ لال شہباز قلندر دھمال دا گاونڑ سنڑایا ۔۔ ماڈرن ایج دے ادبی میلے دا اختتام ہک خوب صورت تے یادگار مشاعرے تے تھیا جیندی صدارت معروف شاعر امان اللہ خان امان کیتی، مہمان خصوصی معروف شاعر حسن عباس رضا، اعزازی مہمان شاعر محبوب ظفر ہن ۔ ڈاکٹر عامر سہیل نظامت کیتی۔ مشاعرے اچ شریک معزز شاعراں اچوں امان اللہ امان، حسن عباس رضا، محبوب ظفر، واحد سراج، رستم نامی، پروفیسر فرید، احمد حسین مجاہد، امتیاز الحق امتیاز،ضیا الرشید، وحید قریشی، تاج الدین تاج، ڈاکٹر اخلاق احمد اعوان، پروفیسر ناصر داؤد، قاضی ناصر بختیار، ذکاءالرشید، وحید بسمل, ضیا شاہد، شجاعت شاجی، سیدالامین، شکیل اعوان، خرم شاہ، سعداللہ سورج، امین صادق، سلیمان علی ملک،مزمل، ڈاکٹر عامر سہیل اور احمد ریاض شامل تھے۔ ایں یادگار مشاعرے دے اچ پنج زباناں(اردو،ہندکو،پشتو،انگریزی اور پہاڑی) اچ کلام پیش کیتا گیا۔ سامعین خاص طور تے شاعراں کوں چنگے انداز اچ بھرپور انداز اچ داد ڈتی۔ اخیر اچ سکول کالج دی پرنسپل سمیرہ واحد سارے مہمانیں دا شکریہ ادا کیتا(ڈاکٹر سعدیہ کمال)
