واشنگٹن۔28اگست(اے پی پی)امریکا بلوچستان اچ دہشتگرد حملیاں دی مذمت کریندے آکھیے جو دہشتگردی دے خلاف جنگ اچ پاکستان نال مونݙھا رل تے کھڑے ہیں۔ ترجمان امریکی محکمہ خارجہ میتھیو ملر ہک بیان اچ آکھیے جو بلوچستان اچ دہشتگرد حملیاں دی مذمت کریندے ہین، دہشتگرد حملیاں اچ سکیورٹی اہلکاراں اتے عام شہریاں کوں چٹیا ڳئے، موسیٰ خیل اچ 23 بے گناہ شہریاں دا قتل قابل مذمت اتے فسوسناک اے، پاکستان دے لوکاں انتہا پسنداں اتے دہشتگرداں دے ہتھو ٻہوں نقصان چاتے۔ ترجمان امریکی محکمہ خارجہ دا آکھݨ ہا جو علاقائی سلامتی کوں خطرات نال نمٹݨ کیتے امریکا اتے پاکستان دا ہکو ڄھیاں فیدہ اے، اساں دہشتگردی دے خلاف جنگ اچ پاکستان دے نال ہیں۔
