لاہور۔11ستمبر (اے پی پی) لاہور سودھے پنجاب اچ 5.7 شدت دا زلزلے دے جھٹکے محسوس کیتے ڳئے۔ ترجمان پی ڈی ایم اے پنجاب موجب ریکٹر سکیل تے زلزلے دی شدت 5.7 ریکارڈ کیتی ڳئی اے۔ زلزلے دا مرکز ڈیرہ غازی خان شادی والا جڈانجو گہرائی 10 کلومیٹر ہئی۔ پنجاب دی انتظامیہ عمارتاں دی چیکنگ اچ مصروف اے۔ زلزلے دے آفٹرشاکس نال نبڑݨ کیتے مشینیر اتے عملے کوں الرٹ کر ݙتا ڳئے۔ ڈی جی پی ڈی ایم اے آکھیاجو پراونشل کنٹرول روم سودھے پنجاب دے ڈسٹرکٹ ایمرجنسی آپریشن سنٹرز الرٹ ہن۔ زلزلے نال نقصان دی اطلاع پی ڈی ایم اے دی ہیلپ لائن 1129 تے ݙتی ونڄ سڳدی اے۔
