ونڈہوک ۔19ستمبر (اے پی پی) نمیبیا ، لُکݨ لُکائی کھیݙدیں ہوئیں چار ٻال فریزر اچ دم گھٹݨ پاروں ہلاک تھی ڳئے۔ اے ایف پی موجب زمبیزی دے علاقائی پولیس کمانڈراینڈریاس شیلو آکھیا جو ٻال جنہاں دی عمراں ترائے توں چھی سال وچال ہن، فریزر اچ لکیے جئیں دے بعد فریزر دا دروازہ بند تھی ڳئیا اتے او ہلاک تھی ڳئے۔ انہاں ٻیا آکھیاجو فریزر تے ہک ہُک ہئی جئیں کوں صرف ٻاہروں کھولیا ونڄ سڳدا ہئی۔ او تقریباً ݙیݙھ ڳھنٹے تئیں پھسیے رہیے اتے ۔ صوبائی پولیس دے سربراہ آکھیا جو ݙو ٻال فریزر دے اندر دم تروڑ ڳئے جڈانجو باقی ݙو ٻالیں کوں بے ہوشی دی حالت اچ ہسپتال پڄݨ تے انہاں کوں مردہ قرار ݙے ݙتا ڳئیا۔
