اسلام آباد ۔23ستمبر(اے پی پی) بہاول پور اچ ہک ٻئی “آرٹ گیلری” کھل گئی اے۔ ایں توں پہلے بہاولپور اچ نیشنل کالج آف آرٹس توں تعلیم یافتہ منیے ہوئے آرٹسٹ محمد علی جلوانہ پہلی آرٹ گیلری کھولی ہئی جیندے اچ صرف او اپݨا کیتا کم ہی متعارف کرویندے ہن ٻھل انھاں کوں حیاتی مہلت نہ ڈتی۔ انہاں دے بعد ہݨ نیشنل کالج آف آرٹس توں فارغ تھیوݨ آلے مدثر پنوں “جگنی” دے ناں توں کمرشل گیلری ٻݨائی اے، جیندے اچ آرٹ دے استاد، طلباء تے طالبات اتے شوقیہ آرٹسٹ آپݨے کم دی نمائش کرسگسن۔
فن دے قدردان اپݨے گھراں دی آرائش کیتے پینٹنگز اتے ٻیاں نویکلیاں شئیں وی ڳھن سڳسن اتے گیلری نال آرٹ دے طلبا کیتے آپݨے خرچے آپ پورے کرݨ دی راہ نکلسی۔ بہاول پور دے لوکیں سانگے اے گیلری آرٹ دا شاندار نمونہ اے ایندے بارے فن دے قدرداناں لوݨ آگاہی ݙتی ونڄے۔
جگنی آرٹ گیلری بہاول پور دے فن و ثقافت کیتے ہک وݙی نعمت اے۔ مدثر پنوں ادب تے موسیقی نال ڳانݙھا رکھدے، امید اے جو “جگنی” گیلری سبھے فنونِ لطیفہ نال دلچسپی رکھݨ آلیاں دی ہک بیٹھک ٻݨ ویسی۔ جگنی آرٹ گیلری ماڈل ٹاؤن اے اچ حبیب بینک روڈ تے واقع پیس پلازا اچ ٻݨائی گئی اے۔
