کوئٹہ۔ 24 ستمبر (اے پی پی) وزیر اعظم یوتھ پروگرام دے چیئرمین رانا مشہوداحمد خان آکھیا جو بلوچستان دے نینگراں اچ ٻہوں ٹیلنٹ اے اگر انہاں کوں موقع ملیا تاں اے پاکستان دی عالمی دنیا اچ نمائندگی کر سڳدن۔شاہ زیب رند ورلڈ چیمپئن ٹائٹل جت تے نہ صرف بلوچستان بلکہ پاکستان دا ناں عالمی سطح تے روشن کیتے۔ اے ڳالھیں انہاں منگل کوں بیوٹمز یونیورسٹی اچ تھیوݨ آلی تقریب توں خطاب کریندیں ہوئیں آکھی۔ انہاں ورلڈ ٹائٹل جتݨ تے شاہ زیب رند کوں مبارخ ݙیندیں ہوئیں آکھیا جو کھیݙ ایجھا شعبہ اے جئیں اچ محنت کیتی ونڄے تاں کامیابی مقدر ٻݨدی اے ، پہلے وی میں بلوچستان نامساعد حالات اچ تعلیم حاصل کرݨ نینگراں دا کمال اے۔ نیشنل والنٹئیر کار دا لوگو ٻݨاوݨ آلی ٻالڑی دا تعلق کوئٹہ دے سریاب روڈ توں اے جیڑھا وݙی ڳالھ اے۔ انہاں آکھیا جو وزیر اعظم محمد شہباز شریف ملک توں ٻاہر ہن جینویں ارشد ندیم کوں وزیراعظم ہاؤس سݙیا، شاہ زیب رند وی قوم دے ہیرو ہن انہاں کوں وی وزیراعظم ہاؤس سݙیا ویسی اتے انہاں دی حوصلہ افزائی کیتی ویسی۔ نینگراں کوں آکھداں جو او جیڑھی فیلڈ اچ ہن او مستقل مزاجی نال کم جاری رکھن ، انہاں وزیراعلیٰ بلوچستان اتے صوبائی اراکین اسمبلی ولوں استقبال تے انہاں دا شکریہ ادا کیتا۔
