سرینگر۔1اکتوبر (اے پی پی) بھارت دے غیرقانونی قبضے جموں تے کشمیراچ بھارتی فوجیوں آپݨی ریاستی دہشت گردی دی مسلسل کارروائیاں اچ ستمبر اچ ہک نکے ٻال سودھے 17 کشمیریاں کوں شہید کیتے۔ کشمیر میڈیا سروس دے شعبہ تحقیق توں منگل کوں جاری اعدادوشمار موجب شہید تھیوݨ آلیاں اچوں 14 کشمیریاں کوں ماورائے عدالت اتے جعلی مقابلیاں اچ شہید کیتے۔ ستمبر اچ 196 عام شہریاں اتے سیاسی کارکناں کوں گرفتار کیتا ڳئے۔ بھارتی فوجیاں ایں محاصرے اتے تلاشی دی 151 کاروائیاں اتے گھراں تے چھاپیاں اچ ہک گھر کوں تباہ کیتے۔
