اقوام متحدہ۔8اکتوبر (اے پی پی) اقوام متحدہ کراچی دے جناح انٹرنیشنل ایئر پورٹ دے نیڑے تھیوݨ آلے دہشت گرد حملے دی مذمت کریندیں ہوئیں آکھیا جو شہریاں کوں کݙاہیں وی نشانہ نی ٻݨاوݨا چاہیدا۔ اقوام متحدہ دے سیکرٹری جنرل دے ترجمان سٹیفن دوجارک گزریل ݙینھ نیویارک اچ اقوام متحدہ دے ہیڈ کوارٹرز اچ بریفنگ اچ ہک سوال دے ولدے اچ آکھیا جو اساں پاکستان دے شہر کراچی اچ تھیوݨ آلے دہشت گردی دے واقعے دی مذمت کریندوں۔ انہاں اقوام متحدہ دے سربراہ ولوں آکھیا جو شہریاں کوں نشانہ نی ٻݨایا ونڄے اتے اساں متاثرین دے ٹبراں اتے پاکستان اتے چین دی عوام اتے حکومتاں نال تعزیت کریندوں۔
