اسلام آباد۔8اکتوبر(اے پی پی)وفاقی وزیر خزانہ و محصولات سینیٹر محمد اورنگزیب نال بارکلیز دی اڳواݨی اچ سرمایہ کاراں دے وفد ملاقات کیتی اے۔ وزیر خزانہ پچھلے سال اچ نافذ تھیوݨ آلیاں پالیسیاں اتے اصلاحاتی اقدامات تے بریفنگ ݙیندے ایں سانڳے بنیادی اتے اہم اقتصادی اشاریاں دی بہتری، ملکی کرنسی دے تکڑے تھیوݨ، زر مبادلہ دے ذخائر ودھݨ، آئی ایم ایف نال پروگرام دی کامیابی اتے مہانگ ڳھٹݨ بارے کامیابیاں دا ݙسائے اتے آکھیے جو بنیادی معاشی ڈھانچے اچ اصلاحات دا عمل جاری رہسی، ویلھا آ ڳئے جو ہݨ آئی ایم ایف پروگرام سانڳے طے کیتے ڳئے اہداف مستقل بنیاداں تے لاگو کیتے ونڄن اتے ملکی معیشت اچ پائیدار استحکام آوے۔ انہاں آکھیا جو حسابات جاریہ دے کھاتیاں دا خسارہ قابو اچ اے، ترسیلات زر اتے روشن ڈیجیٹل اکائونٹس نال زرمبادلہ اچ تیزی آئی اے، ملکی برآمدات ودھین، حکومت چاہندی اے جو بینک نجی شعبے کوں سوکھیاں شرطاں تے قرضہ ݙیوݨ شروع کرن جیندے کیتے مالی بجٹ اچ بینکاں کوں نجی شعبے خصوصاً زراعت، آئی ٹی ایکو سسٹم اتے ایس ایم ای شعبہ کوں مائیکرو قرضے سانڳے مراعات ݙتن۔انہاں وفد کوں مختلف شعبیاں اچ اصلاحات سانڳے وفاق اتے چارے اکائیاں وچال قومی مالیاتی معاہدے تے دستخط اتے اصلاحاتی ایجنڈے دے اقدامات دا ݙسائے۔
