اسلام آباد۔9اکتوبر (اے پی پی) زرمبادلہ دے ملکی ذخائراچ جاری مالی سال وچال 1.986ارب ڈالر دا نشابر ودھارا ریکارڈ کیتا ڳئے۔ سٹیٹ بینک توں ایں بارے جاری اعدادوشمار موجب ایں سال جون دے چھیکڑ تے زرمبادلہ دے ملکی ذخائرداحجم 13.996ارب ڈالرریکارڈ کیتا ڳئے جئیں اچ سٹیٹ بینک کنے زرمبادلہ دے ذخائرداحجم 9.389 ارب ڈالراتےکمرشل بینکاں کنے زرمبادلہ دے ذخائرداحجم 4.606 ارب ڈالرریکارڈ کیتا ڳئیا ہئی۔ 27 ستمبر کوں مُکݨ آلے ہفتے اچ زرمبادلہ دے ملکی ذخائرداحجم 15.982 ارب ڈالرریکارڈ کیتا ڳئیا جئیں اچ سٹیٹ بینک کنے زرمبادلہ دے ذخائرداحجم 10.701 ارب ڈالر اتےبینکاں کنے زرمبادلہ دے ذخائرداحجم 5.281 ارب ڈالرریکارڈ کیتا ڳئے۔ جاری مالی سال دے شروع توں ہݨ تئیں سٹیٹ بینک کنے زرمبادلہ دے ذخائراچ 1.312 ارب ڈالر اتےبینکوں کنے زرمبادلہ دے ذخائراچ 674.5ملین ڈالردا ودھارا تھیے۔ سٹیٹ بینک دے مطابق کیلنڈر سال دے شروع توں ہݨ تئیں زرمبادلہ دے ملکی ذخائراچ مجوعی طور3.309 ارب ڈالردا نشابر ودھارا ݙیکھݨ کوں آئے۔ سال 2024 دے چھیکڑ تے زرمبادلہ دے ملکی ذخائرداحجم 12.673 ارب ڈالرریکارڈ کیتا ڳئیا ہئی۔
