اسلام آباد۔9اکتوبر(اے پی پی)وفاقی وزیر تجارت جام کمال خان پنڄویں ٹیکسٹائل اینڈ لیدر ایگزیبیشن 2024 کیتے فنڈز جاری کر ݙتن۔ سماجی رابطے دی ویب سائٹ تے جاری کردہ اعلامیہ اچ ݙسایا ڳئے جو وفاقی وزیر تجارت جام کمال خان ٹریڈ ڈویلپمنٹ اتھارٹی آف پاکستان ولوں کراچی ایکسپو سینٹر اچ تھیوݨ آلی بین الاقوامی نمائش ٹیکسٹائل اینڈ لیدر ایگزیبیشن کیتے ایکسپورٹ ڈویلپمنٹ فنڈ (ای ڈی ایف) بورڈ دے 85 ویں اجلاس دی اڳواݨی اچ پاکستان دی سب توں وݙی ٹیکسٹائل نمائش (ٹیکسپو) دی کامیابی کیتے 443 ملین روپے فنڈز جاری کیتن۔ اے نمائش 23 توں 25 اکتوبر ایکسپو سینٹر کراچی اچ تھیسی جیندے اچ ٹیکسٹائل اتے لیدر انڈسٹری دے مقامی اتے بین الاقوامی ادارے تے لوک شریک تھیسن۔
