اسلام آباد۔10اکتوبر (اے پی پی) وفاقی وزیر تجارت جام کمال آکھیا جو پاکستانی کمپنیاں دی استعداد کار ودھا تے برآمدات ودھائی ونڄ سڳدن، پاکستان اتے سعودی عرب وچال تجارت دا حڄم ودھدا پئے۔ پاکستان سعودی وژن 2030 کوں پورا کرݨ کیتے افرادی قوت اتے ٻئی سہولتاں ݙیوݨ دی پوری صلاحیت رکھیندے۔ اے ڳالھیں انہاں خمیس کوں مقامی ہوٹل اچ پاک سعودی بزنس فورم 2024 دے افتتاحی اجلاس دی صدارت اچ آکھی۔ وفاقی وزیر تجارت سعودی عرب توں آئے کاروباری افراد ، کمپنیاں اتے ٻئے سعودی حکام دا شکریہ ادا کیتا۔ جام کمال آکھیا جو پاکستان چاول ، گوشت ، لیدر ، دلیہ ، پھل اتے ٻئی مصنوعات دی وݙی تعداد سعودی عرب کوں برآمد کریندے۔ انہاں آکھیا جو وزیر اعظم شہباز شریف دے وژن دے تحت وزارت تجارت ݙوپاسہ تجارت ودھاوݨ کیتے کم کریندی پئی اے۔ جام کمال آکھیا جو پاکستان فروری 2025 اچ سعودی عرب اچ سنگل کنٹری ایگزیبیشن کرویندا پئے جئیں اچ سعودی سرمایہ کاراں اتے عوام کوں انفارمیشن ٹیکنالوجی ،فوڈ، معدنیات اتے ٻئے شعبیاں اچ سرمایہ کاری دا موقع ملسی۔
