تہران ۔15اکتوبر (اے پی پی) ایران آکھیا جو فی الحال بالواسطہ طورتے امریکا نال ڳالھ مہاڑ دا کوئی امکان موجود کائنی۔ العربیہ نیوب موجب ایرانی وزیر خارجہ عباس عراقچی اخباری رپورٹراں نال اومان دے دارالحکومت مسقط اچ ڳالھ مہاڑ کریندیں ہوئیں آکھیا جو مشرق وسطیٰ اچ بدترین کشیدگی دی اڄوکی صورتحال کوں ݙیکھدیں ہوئیں اڄاں تئیں ایجھا کوئی ماحول نظر نی امدا جو امریکا نال اومان دی مدد نال کوئی رابطہ یا ڳالھ کیتی ونڄ سڳے۔ انہاں ٻیا آکھیا جو خطے اچ جو صورتحال ٻݨ ڳئی اے ایندے اچ اے ممکن کائنی۔
