اسلام آباد۔18اکتوبر(اے پی پی)چیئرمین پاکستان کرکٹ بورڈ (پی سی بی)محسن نقوی ملتان ٹیسٹ جیتݨ تے قومی ٹیم کوں مبارک ݙیندے آکھیے جو وݙی مُد بعد ہوم ٹیسٹ میچ اچ کامیابی ٹیم ورک دا نتیجہ اے۔ انہاں آکھیا جو سپنرز ساجد خان اتے نعمان علی شاندار بائولنگ کرتے جیت ݙیوائی اے اتے پہلی اننگز اچ کامران غلام سنچری کرتے اپݨا ٹیلنٹ ݙکھائے، محنت، جذبے اتے پروفیشنل اپروچ نال ٹیم کھیݙی اے اتے جیتی اے ڄݙاں جو نویں کھلاڑیاں اپݨا چݨائو درست ثابت کیتے۔ انہاں امید کیتی جو تریڄھے تے چھیکڑی ٹیسٹ اچ وی ٹیم چنڳاں کھݙسی اتے سیریز جتیسی۔
