اسلام آباد۔21اکتوبر(اے پی پی)وفاقی وزیر تجارت جام کمال خان آکھیے جو ٹیکسپو 2024 ٹریڈ ڈویلپمنٹ اتھارٹی آف پاکستان دے ٹیکسٹائل اینڈ لیدر ڈویژن ولوں ہک مثالی ایونٹ اے، اے غیر معمولی تقریب پاکستان دی متحرک ٹیکسٹائل اتے چمڑے دیاں صنعتاں دی نمائش کریسی۔ وفاقی وزیر تجارت جام کمال خان کراچی اچ تھیوݨ آلے ٹیکسپو دے انتظامات دا جائزہ ڳھدے۔ اے بین الاقوامی نمائش 23 توں 25 اکتوبر تئیں ایکسپو سینٹر کراچی اچ تھیسی جیندے اچ 500 توں ودھ غیر ملکی مندوبین، 270 توں ودھ نمائش کنندگان اتے 8 ہزار توں ودھ کارپوریٹ سیکٹر دے لوک شرکت کریسن۔ نمائش اچ فیشن شو وی تھیسی جیندے اچ پاکستان دے 25 توں ودھ ٹاپ فیشن ڈیزائنرز حصہ ڳھنسن۔
