واشنگٹن۔23اکتوبر(اے پی پی)وفاقی وزیر خزانہ و محصولات سینیٹر محمد اورنگزیب جفریز انٹرنیشنل ولوں ادارہ جاتی سرمایہ کاراں نال گول میز کانفرنس اچ شرکت کیتی۔ انہاں سرمایہ کاراں کوں پاکستان دے مثبت معاشی اشاریاں دا ݙسایا ڄیڑھے سٹینڈ بائی ارینجمنٹ (ایس بی اے) دی کامیابی پاروں ملین۔ انہاں ٹیکس ٹو جی ڈی پی شرح دے تناسب اچ ودھارے، توانائی دے شعبے اچ نقصانات ڳھٹݨ، سرکاری اداریاں (ایس او ایز) دی گورننس اتے انتظام اچ بہتری، نجکاری ودھاوݨ اتے وفاقی حکومت دا حجم ڳھٹاوݨ نال اخراجات قابو اچ رکھݨ دیاں اصلاحات دا وی ݙسائے۔ اے تقریب سرمایہ کاراں دے سوالات جوابات دے سیشن نال مکی۔
