لاہور۔27اکتوبر(اے پی پی)چیئرمین پی سی بی محسن نقوی قومی کرکٹ ٹیم دے وکٹ کیپر بیٹسمین محمد رضوان کوں کپتان، سلمان علی آغا کوں وائٹ بال دا نائب کپتان ٻݨآوݨ دا اعلان کیتے۔ لاہور اچ پریس کانفرنس کریندے انہاں اے اعلان کیتے۔ قومی کرکٹ ٹیم دے سلیکٹرعاقب جاوید اتے نویں کپتان محمد رضوان وی پریس کانفرنس اچ نال ہن۔ چیئرمین پی سی بی محسن نقوی آکھیا جو ہر کہیں دی رائے ڳھنݨ دے بعد محمد رضوان کوں اعتماد اچ ڳھدے، نویں ٹیلنٹ کوں موقع ݙیوݨا ہوسی، بابر اعظم پاکستان دا اثاثہ ہین، بابراعظم دے استعفیٰ دے بعد نواں کپتان ٻݨآوݨ کیتے ساریاں نال مشاورت کیتی گئی، بابر اعظم کہین دباؤ نئیں اپݨی مرضی نال استعفیٰ ݙتے۔ انہاں آکھیا جو کہیں دیاں پراݨیاں ڳالھیں تے تنقید نئیں کرݨ چاہندا، ٹیسٹ سیریز دی جیت اچ پوری سلیکشن ٹیم دی محنت اتے سلیکشن کمیٹی دا وݙا ہتھ اے، ایں کامیابی تے سلیکٹر عاقب جاوید دی کارکردگی اتے محنت وی منیداں، انہاں کوں بورڈ اچ ڳھن آوݨ اچ کڄھ دیر تھئی اے۔ انہاں آکھیا جو فخرزمان فٹنس مسائل پاروں باھرو تھئین۔
