ماسکو ۔28اکتوبر (اے پی پی) روس دے نائب وزیر خارجہ میخائل بوگدانوف آکھیے مشرق وسطیٰ اچ وݙی جنگ روکݨ سانڳے سارا کجھ کریندے پیوں ۔ تاس موجب روس دے صدرولادیمیر پیوٹن دے خصوصی ایلچی مشرق وسطیٰ اتے افریقہ، نائب وزیر خارجہ میخائل بوگدانوف آکھیے روس مشرق وسطیٰ کوں ھک وݙے جھیڑے آلے پاسے ونڄݨ توں روکݨ سانڳے ہرممکن کوشش کریندا پئے۔ انھاں آکھیے روس ایں اچ شامل سارے فریقاں نال رابطے وچ اے تے انھاں تے زور ݙیندے جو او ایجھے اقدامات نہ کرن جیں توں صورت حال کنٹرول توں ٻاہر تھی ونڄے ۔ انھاں آکھیے جو مشرق وسطیٰ اچ جنگ کہیں وی ملک دے مفاد اچ چنڳی کائنی۔
