رحیم یارخان ۔ 03 نومبر (اے پی پی) وائس چانسلرخواجہ فرید یونیورسٹی آف انجینئرنگ انفارمیشن اینڈ ٹیکنالوجی پروفیسرڈاکٹرعامراعظم میٹ دی پریس توں خطاب کریندے آکھیے خواجہ فرید یونیورسٹی دی سٹریٹجک اہمیت کوں نظراندازنی کیتا ونڄ سڳدا ساݙا مشن اے جو آندے کجھ سالاں اچ آپݨی یونیورسٹی کوں بین الاقوامی ادارہ جامعات دی صف اچ رلویسوں یونیورسٹی کوں ہرقسم دی تفریق توں پاک تے ھک ایجھے ادارے اچ بدلیسوں جیڑھی نہ صرف ایں خطے بلکہ بلکہ قومی تعمیروترقی اچ چنڳاں کردار ادا کرسڳے ایں یونیورسٹی کوں ھک ایجھا ادارہ بݨیسوں جتھاں ہررنگ، نسل، مذہب اتےزبان ٻولݨ آلے بندے کوں آزادانہ تعلیم وتحقیق داحق تےموقع مل سڳے ۔ انھاں آکھیے طالبیں کوں ٹرانسپورٹ، تکھی رفتار انٹرنیٹ، جدید کلاس روم اتے ٻیاں سہولتاں ترجیحی بنیاداں تے ݙیسوں ۔ انھاں ایں ڳالھ دا یقین ݙیوائے جو ممبران ڈسٹرکٹ پریس کلب دے ٻالاں کوں یونیورسٹی اچ اعلیٰ تعلیم ݙیواوݨ سانڳے ساریاں سہولتاں ݙیسوں ۔ ایں موقع تے انھاں ممبران پریس دے مختلف سوالاں دے جواب وی ݙتے۔
