میلبورن۔4نومبر (اے پی پی) آسٹریلیا دلچسپ مقابلے دے بعد پاکستان کوں سیریز دے پہلے ہک روزہ بین الاقوامی کرکٹ میچ اچ 2 وکٹاں توں ہرا تے ترائے میچاں دی سیریز اچ 1-0 دی برتری ڳھدی اے۔ پاکستان دی ٹیم پہلے بیٹنگ کر تے 203 رنز ٻݨا تے آسٹریلیا کوں میچ اچ کامیابی کیتے 204 رنز دا ہدف ݙتا جیڑھا جو بعد اچ آسٹریلوی ٹیم 204 رنز دا ہدف 99 گینداں پہلے 33.3 اوورز اچ اٹھ وکٹاں دے نقصان تے حاصل کر ڳھدا۔ پاکستان ولوں حارث رؤف ترائے، شاہین آفریدی ݙو جڈانجو نسیم شاہ اتے محمد حسنین ہک ہک کھݙاری کوں آؤٹ کیتا۔ آسٹریلیا دے مایہ ناز فاسٹ بائولر مچل سٹارک کوں عمدہ کارکردگی تے میچ دا بہترین کھݙاری قرار ݙتا ڳئیا۔پاکستان دی ٹیم 46.4 اوورز اچ 203 رنز ٻݨائے اتے آسٹریلوی ٹیم کوں 204 رنز دا ہدف ݙتا۔ آسٹریلیا ولوں مچل سٹارک ترائے، پیٹ کمنز اتے ایڈم زمپا ڈو،ݙو کھݙاریاں کوں آؤٹ کیتا جڈانجو شان ایبٹ اتے مارنس لبوشین ہک ہک وکٹ ڳھدی۔اینویں آسٹریلوی ٹیم پاکستان کوں پہلے ون ڈے میچ اچ ݙو وکٹاں توں ہرا تے ترائے میچاں دی سیریز اچ ہک صفر دی برتری حاصل کیتی۔ ۔ آسٹریلیا دے مایہ ناز فاسٹ بائولر مچل سٹارک کوں عمدہ کارکردگی تے میچ دا بہترین کھݙاری قرار ݙتا ڳئیا۔
