اسلام آباد۔9نومبر(اے پی پی) سرائیکی شاعری دے “اقبال” سئیں اقبال سوکڑی فانی دنیا توں جھوک لݙا ڳئن۔ انہاں دی نماز جنازہ آبائی علاقے تونسہ شریف اچ ادا کیتی ڳئی۔ نماز جنازہ اچ وݙی تعداد اچ شعرا کرام، علمی و ادبی شخصیات، انہاں دے شاگرداں آتے وسیبی لوکاں شرکت کیتی۔ انہاں کو سرائیکی غزل دا بادشاہ منیا ویندا ہئی آتے ادب نواز لوک انہاں کوں سرائیکی شاعری دا ” اقبال” آہدے ہن اے اتفاق دی ڳالھ اے جو اردو دے عظیم شاعر علامہ محمد اقبال 9 نومبر کوں اکھ کھولی ہئی آتے اج 9 نومبر سرائیکی دے “اقبال” دا یوم وفات بنڑ ڳئے انہاں سرائیکی ݙوھڑے کوں نویں سنڄان ݙتی۔اقبال سوکڑی سکول دے استاد رہین۔ انہاں دی ادبی و علمی خدمات تے انہاں کوں صدارتی ایوارڈ نال وی نوازا ڳیاہئی۔(ڈاکٹر سعدیہ کمال)
