اسلام آباد۔13نومبر(اے پی پی) لوک ورثہ تے وزارت قومی ثقافت ولوں جاری لوک میلہ 2024 اچ پنجاب پویلین اسلام آباد اچ لوک فنکاراں دے سرائیکی گاوݨ تے جھمر پسند کیتے ویندن۔ آݙت توں شروع تھیوݨ آلے سالانہ لوک میلے اچ اسلام آباد تے راولپنڈی دیاں وکھو وکھ یونیورسٹیاں اچ پڑھنڑ آلے سرائیکی چھوہراں جھمر کھیݙ تے میلے دا افتتاح کیتا۔ لوک ورثہ دے ایں میلے اچ اچ 50 ہزار توں ودھ ماہر ہنڑ رکھنڑ آلے مرد تے تریمتیں ، مٹی دے تھاں، ڳوٹے کناری، مکیش تے ہتھ دی کڈھائی دے کپڑیاں تے سنگھار ہار تے کھاونڑ پیونڑ دے سٹال لاتے ہوئن ۔ ایں واری میلے اچ سٹال لاوݨ آلیاں ڈھیر تریمتیں ان ، ایں میلے اچ ملک دی سبھے ثقافتیں دے لوک آپݨے ٹٻر سودھے لوک میلہ ݙیکھݨ آندے پئن۔ جݙاں ٻئے ملکاں دے سیاح وی ڈاݙھے شوق نال سرائیکی وسیب دی جھمر تاڑی ݙٹھی ۔ میلے اچ ݙینھ 10 وڄے توں رات 10 وڄے تئیں فنکار ، موسیقار گاندن آپدے فن دا مظاہرہ کریندن تے خوب داد گھندن اے میلہ 17 نومبر تئیں لڳیا رہسی۔ (ڈاکٹر سعدیہ کمال)
