تل ابیب ۔14نومبر (اے پی پی) لبنان اچ حزب اللہ دے خلاف زمینی کارروائی اچ اسرائیل دے چھی فوجی ماریے ڳئے۔ اے ایف پی موجب اسرائیلی فوج آپݨے بیان اچ آکھیا جو گولائی بریگیڈ توں تعلق رکھݨ آلے اے فوجی جنوبی لبنان اچ سرحدی علاقے اچ لڑائی اچ ماریے ڳئن۔ 30 ستمبر توں لبنان اچ زمینی کارروائیاں اچ ماریے ڳئے اسرائیلی فوجیاں دی تعداد 47 تھی ڳئی اے۔ اسرائیلی وزیر اعظم بنجمن نیتن یاہو ایکس ( سابق ٹویٹر ) تے جاری بیان اچ “گولانی” بریگیڈ دے نشان دی ہک تصویر وی شیئر کیتی اے۔
