مظفرگڑھ۔ 14 نومبر (اے پی پی) مقدمہ درج نہ تھیوݨ تے ہک بندے دی ڈی پی او آفس مظفرگڑھ اچ خود کوں ٻھاہ لا ڳھدی۔ ریسکیو ذرائع موجب ڈی پی او آفس مظفرگڑھ دے اندر ہک بندے خود کوں پٹرول چھڑک تے بھاہ لا ڳھدی۔ ڈی پی او آفس اچ کھڑے پولیس اہلکاراں فوری طور ٻھاہ تے قابو پاتا۔ ریسکیو ذرائع موجب ٻھاہ لگݨ پاروں 35 سالہ ارشد دے جسم دے اتے آلا حصہ 35 فیصد متاثر تھیے۔ متاثرہ بندے ارشد دا پولیس کوں ݙتے ڳئے بیان اچ آکھیا جو او آپݨا گھر ساڑݨ آلے ملزماں دے خلاف مقدمہ درج کراواݨ آیا ہئی پر تھاݨاں جتوئی پولیس مقدمہ درج نی کریندی پئی ۔
