ہوبارٹ۔18نومبر (اے پی پی) آسٹریلیا پاکستان کوں تریجھے اتے چھیکڑی ٹی ٹونٹی میچ اچ ست وکٹاں توں ہرا تے ترائے میچاں دی سریز کلین سویپ کر ڳھدی ،مارکس سٹوئنس مین آف دی میچ ، سپینسر جانسن کوں مین آف دی سیریز ݙتا ڳئیا ۔ کینگروز بائولرز دی عمدہ بائولنگ پاروں پاکستان دی پوری ٹیم پہلے کھیݙدیں ہوئیں 18.1 اوورز اچ 117 رنز ٻݨائے۔ایرون ہارڈی 3 وکٹیں ڳھدی ، ایڈم زمپا اتے سپینسر جانسن ݙو، ݙو کھݙاریاں کوں آؤٹ کیتا جڈانجو زیویر بارٹلیٹ اتے نیتھن ایلس ہک ہک وکٹ ڳھدی۔ پاکستان ولوں ملݨ آلے ہدف کوں 118 رنز مارکس سٹوئنس دی ناقابل شکست نصف سنچری پاروں آسٹریلوی ٹیم 11 ویں اوورز اچ پورا کر ڳھدا۔ مارکس سٹوئنس ناقابل شکست 61 رنز نال نشابر اننگز کھیݙی۔ انہاں کوں شاندار بلے بازی تے میچ دا بہترین کھݙاری قرار ݙتا ڳئیا۔آسٹریلیا دے سپینسر جانسن کوں عمدہ باؤلنگ تے میچ آف دی سیریز قرارݙتا ڳئیا۔
