اسلام آباد۔18نومبر (اے پی پی) پاکستان کرکٹ بورڈ (پی سی بی) دے چیئرمین محسن نقوی آکھیا جو چیمپیئنز ٹرافی پاکستان اچ تھیسی، بھارت کوں تحفظات ہن تاں ݙساوے دور کریسوں۔ میڈیا نال ڳالھ مہاڑ کریندیں ہوئیں چیئرمین پی سی بی محسن نقوی آکھیا جو اساں آپݨے ہدف کوں حاصل کریسوں۔ چیمپئنز ٹرافی پاکستان اچ کرویسوں۔ اساں آئی سی سی کوں خط لکھیا ہئی جئیں دے ولدے دا انتظار اے۔ آئی سی سی کوں آپݨی ساکھ بھارت خود سوچݨا پوسی۔ آئی سی سی دنیائےکرکٹ دی واحد مضبوط باڈی اے۔ انہاں آکھیاجو اڄاں وی چیمپئنز ٹرافی بارے چنڳائی دی امید رکھینداں۔ کھیݙ اتے سیاست انڄ اںج چیزاں ہن۔ کہیں وی ملک کوں سیاست کوں وچ نی ڳھن آوݨا چاہیدا۔ میݙانی خیال کوئی وی اساکوں ٹف ٹائم ݙے سڳدے۔ بھارت دے علاوہ ساری ٹیماں پاکستان آوݨ کیتے تیار ہن۔ چیئرمین پی سی بی آکھیا جو چیمپئنز ٹرافی تئیں عاقب جاوید توں ہیڈ کوچ دے طور فرائض نبھاوݨ دی گزارش کیتی اے۔ عاقب جاوید وقتی طور ہیڈ کوچ ہوسن۔
