ملتان۔ 19 نومبر (اے پی پی) وزیراعلیٰ پنجاب مریم نواز شریف نشترہسپتال اچ ایڈ ز کھنڈݨ دے واقعے دا سختی نال نوٹس ڳھندیں ہوئین چووی گھنٹیاں اچ حکام توں رپورٹ منڳ ڳھدی اے۔ وزیراعلیٰ پنجاب آکھیا جو ڈائیلاسز دے مریضاں اچ ایڈز کھنڈݨ افسوسناک اتے شرمناک اے۔ فنڈز نہ ہووݨ دے عذر تے مریضاں دے ڈائیلائسز نی رُکݨے چاہیدے۔ اے ڳالھیں انہاں ہک خصوصی اجلاس دی صدارت کریندیں ہوئیں آکھی۔ اجلاس اچ ہیلتھ پروگرام اتے ٻئے منصوبیاں تے تھیوݨ آلی پیشرفت دا جائزہ ڳھدا ڳئیا۔ اجلاس اچ نواز شریف کینسر ہسپتال تے ہݨ تئیں تھیوݨ آلی پیشرفت بارے رپورٹ پیش کیتی ڳئی۔ ایں توں انڄ وزیراعلیٰ پنجاب انسٹیٹوٹ آ ف کارڈیالوجی ۔2 اتے نواز شریف انسٹی ٹیوٹ آف سرگودھا دے منصوبے بارے وی رپورٹ دا جائزہ ڳھدا۔
