اسلام آباد۔19نومبر (اے پی پی) وفاقی وزیر خزانہ تے محصولات سینیٹر محمد اورنگزیب آکھیا جو اقتصادی ترقی اتے مالی استحکام کیتے اقتصادی منصوبے اتے اصلاحات دے ایجنڈے تے عمل کریندے پئیوں۔ اے ڳالھیں انہاں منگل کوں پاکستان اچ ہالینڈ دی سفیرہینی ڈی ویریز نال ملاقات اچ آکھی۔ ملاقات اچ ݙوہیں ملکاں وچال ݙوپاسہ تعلقات کوں ودھاوݨ دے امکانات اتے مختلف شعبیاں اچ تعاون ودھاوݨ دے طریقیاں بارے ڳالھ کیتی ڳئی۔ ملاقات اچ پاکستان اتے ہالینڈ وچال دوستی اتے تعاون بارے جائزہ ڳھدا ڳئیا۔ فریقین ݙوہیں ملکاں وچال تعاون کیتے کانکنی، آئی ٹی، تیل و گیس، زراعت، ڈیری فارمنگ اتے زرعی پیداوار سویں ترجیحی شعبیاں دی نشاندہی کیتی ڳئی۔ وزیرخزانہ ہالینڈ دی سفیرکوں حکومت دے اقتصادی منصوبے اتے اصلاحات دے ایجںڈے بارے ݙسیا۔ انہاں گزریل 14 مہینے اچ حاصل کیتی کامیابیاں دا ݙسیا۔ ہالینڈ دی سفیر پاکستان اتے ہالینڈ وچال ݙوپاسہ تعاون کوں مستحکم کرݨ دا عزم کیتا اتے مختلف شعبیاں اچ تعاون کوں ودھاوݨ کیتے آپݨے حکومت دی حمایت دا یقین ݙوایا۔ انہاں وزیرخزانہ کوں پاکستان دے یورین یونین نال تجارت اتے کاروبار دے ودھارے کیتے ہالینڈ دی حمایت دا یقین ݙوایا۔
