اسلام آباد۔21نومبر (اے پی پی) وزیر اعظم محمد شہباز شریف دی دعوت تے جمہوریہ بیلاروس دے صدر الیگزینڈر لوکاشینکو 25 توں 27 نومبر تئیں دا پاکستان دا سرکاری دورہ کریسن۔ ترجمان دفتر خارجہ ولوں خمیس کوں جاری بیان موجب صدر لوکاشینکو وزیر اعظم محمد شہباز شریف نال تفصیلی ڳالھ مہاڑ کریسن۔ دورے اچ معاہدیاں اتے مفاہمت دی یادداشتاں تے دستخط کیتے ویسن۔ ترجمان ٻیا ݙسیا جو بیلاروس دے صدر دا دورہ پاکستان اتے بیلاروس وچال مضبوط اتے ودھدی ہوئی سانجھے داری دی عکاسی کریندے۔
