اسلام آباد۔22نومبر(اے پی پی) پاکستان اچ امریکی سفارتخانے ضلع کرم اچ تھیوݨ آلے ہولناک حملے دی مذمت کریندے حکومت پاکستان نال یکجہتی دا اظہار کیتے۔ امریکی مشن دے ترجمان جوناتھن لالی دی طرفوں جاری بیان اچ آکھیا ڳئے جو ساݙی ہمدردی اتے تعزیت انھاں لوکاں دے خانداناں اتے پیاریں نال اے جنہاں آپݨیاں جاناں ونڄائن ۔ ترجمان آکھئے اساں زخمیاں دی مکمل تے وختی صحت یابی دی دعا کریندوں ، پاکستانی عوام ضیان ، خطرے اتے خطرے توں آزاد زندگی گزارݨ تے آپݨی روزمرہ دی زندگی اچ محفوظ محسوس کرݨ دے مستحق ہن۔ ترجمان آکھیے امریکا پاکستان دا ثابت قدم ساتھی رہسی کیوں جو پاکستان آپݨے سارے شہریاں دی حفاظت اتے سلامتی یقینی بݨاوݨ سانڳے کم کریندے ۔ ترجمان آکھیے اساں اوکھے ویلھے پاکستان تے خیبرپختونخوا دے عوام نال یکجہتی نال کھڑوں۔
