نئی دہلی۔25نومبر (اے پی پی) بھارت دی ریاست اُترپردیش اچ مسیت دا سروے کرݨ تے تنازع اچ مسلمان مظاہرین اتے پولیس وچال جھڑپاں اچ ڳھٹ توں ڳھٹ ݙوبندے ہلاک اتے 16 زخمی تھی ڳئن۔ اے ایف پی دے مطابق شمالی ریاست اُترپردیش دے شہر سمبھل اچ ہک پولیس افسر پوون کمار میڈیا نال ڳالھ مہاڑ کریندیں ہوئیں ݙسیا جو مسلماناں اتے پولیس وچال جھڑپاں اچ ݙوبندے ہلاک اتے 16 پولیس اہلکار زخمی تھین۔ واضح رہوے جو ہک ہندو پنڈت ولوں عدالت اچ دائر درخواست اچ دعویٰ کیتا ڳئے جو او مسیت ہک ہندو مندر دی ڄاہ تے ٻݨی ہوئی اے۔
