اسلام آباد۔25نومبر (اے پی پی) وفاقی وزیر مواصلات ، سرمایہ کاری تے نجکاری عبدالعلیم خان آکھیا جو آذربائیجان اتے ترکیہ وانڳوں بیلاروس کوں سرمایہ کاری اچ سانجھے دار ٻݨاوݨ چاہندوں۔ شاہراہ قراقرم اتے سی پیک دی طرز تے سینٹرل ایشیا تئیں تجارتی کوریڈور چاہندو۔ اے ڳالھیں انہاں بیلا روس دے وزیر ٹرانسپورٹ الیگزسی لیخنو وچ نال ڳالھ مہاڑ کریندیں ہوئیں آکھی جنہاں سنوار کوں انہاں نال ملاقات کیتی۔ ایں موقع تے ݙوہیں رہنماواں ڳالھ مہاڑ کریندیں ہوئیں آکھیا جو پاکستان اتے بیلاروس ذرائع آمدو رفت دی اپ گریڈیشن اچ سانجھ کر سڳدن۔ بیلاروس پی آئی اے نال سفری سہولتاں اچ کاروبار ودھاوݨ کیتے تیار اے۔ ملاقات اچ الیگزسی لیخنو وچ وفاقی وزیر مواصلات عبدالعلیم خان کوں بیلا روس دے دورے دی دعوت وی ݙتی۔ وفاقی وزیر مواصلات آکھیا جو اسلام آباد توں ماسکو ڈائریکٹ فلائٹ تے کم جاری اے۔ بیلاروس کوں وی شامل کر سڳدوں۔ بیلا روس کوں سرمایہ کاری اچ سانجھے دار ٻݨاوݨ چاہندوں، شاہراہ قراقرم اتے سی پیک دی طرز تے سینٹرل ایشیا تئیں تجارتی کوریڈور چاہندوں۔بیلا روس دے وزیر ٹرانسپورٹ پاکستان دے ذرائع مواصلات اچ سرمایہ کاری اچ دلچسپی ݙکھائی۔ ملاقات اچ وفاقی سیکرٹری مواصلات اتے بیلاروس دے سینئر سرکاری حکام وی موجودہن۔
