ہرارے۔27نومبر (اے پی پی) زمبابوے اتے پاکستان وچال ترائے میچاں دی سیریرز دا تریجھا اتے چھیکڑی ون ڈے خمیس کوں کوئنز سپورٹس کلب بلاوائیو اچ کھیڈیا ویسی۔ ݙوہیں ٹیماں وچال ترائے میچاں دی سیریز ہک، ہک نال برابر اے۔ میزبان ٹیم پہلے ون ڈے اچ پاکستان ٹیم کوں 80 رنز توں ہرایا ہئی اتے ݙوجھے میچ اچ پاکستان دی ٹیم زمبابوے کوں 10 وکٹاں توں ہرا ݙتا ہئی۔ پاکستان دی کرکٹ ٹیم زمبابوے دے خلاف ترائے ون ڈے میچاں دی سیریز دے علاوہ ترائے ٹی ٹونٹی بین الاقوامی میچاں دی سیریز وی کھیݙسی۔
