اسلام آباد۔29نومبر (اے پی پی) وفاقی وزیر خزانہ تے محصولات سینیٹر محمد اورنگزیب ڈیجیٹل معیشت اتے ڈیجیٹل انضمام کوں اہمیت قرار ݙیندیں ہوئیں ایں ملک دی اقتصادی تبدیلی کیتے اہم جزو قرار ݙتے۔ اے ڳالھیں انہاں جمعے کوں پاکستان اچ نیکسٹ جنریشن موبائل براڈ بینڈ سروسز دی بہتری کیتے آئی ایم ٹی سپیکٹرم دے اجرا ء تے مشاورتی کمیٹی دے اجلاس دی صدارت کریندیں ہوئیں آکھی۔ اجلاس اچ وزیر صنعت تے پیداوار رانا تنویر حسین، وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ خواجہ، چیئرمین پی ٹی اے، سیکرٹری وزارت انفارمیشن ٹیکنالوجی، سیکرٹری وزارت قانون اتے متعلقہ وزارتاں اتے محکمیاں دے سینئر شریک تھیے۔ اجلاس اچ مختلف معاملیاں تے ڳالھ مہاڑ دے علاوہ امریکی کنسلٹنٹ فرم نیرا ولوں پیش رفت دا جائزہ پیش کیتا ڳئیا جئیں کوں پی ٹی اے نومبر 2024 اچ پی پی آر اے رولز /ای پی اے ڈی ایس دے مطابق پاکستان دی مارکیٹ دا جائزہ ڳھنݨ۔ سانجھے داراں نال مشورہ کرݨ، شعبے اچ اصلاحات اتے کامیاب اسپیکٹرم نیلامی کیتے پالیسی سفارشات اتے روڈ میپ ٻݨاوݨ کیتے مقرر کیتا ہئی۔ وزیر خزانہ سینیٹر محمد اورنگزیب ڈیجیٹل معیشت اتے ڈیجیٹل انضمام دی اہمیت کوں اجاگر کریندیں ہوئیں اینکوں ملک دی اقتصادی تبدیلی کیتے ہک اہم جزو قرار ݙتے۔ انہاں آکھیا جو ملک اچ اقتصادی پیشرفت کیتے ڈیجیٹل معیشت اتے ڈیجیٹل انضمام اہمیت دے حامل ہن،حکومت رابطے بہتر ٻݨاوݨ اتے ڈیجیٹل انفراسٹرکچر کوں مضبوط کرݨ کیتے پرعزم اے۔
