اسلام آباد۔12دسمبر (اے پی پی) گورنر خیبرپختونخوا فیصل کریم کنڈی نال پاکستان فیڈرل یونین آف جرنلسٹس (پی ایف یو جے) ورکرز دی صدر ڈاکٹر سعدیہ کمال دی قیادت اچ وفد ملاقات کیتی۔ خمیس کوں گورنر ہاؤس توں جاری بیان موجب ملاقات اچ صحافیاں دے مسئلے، آزادی صحافت اتے ورکنگ جرنلسٹس دے حقوق بارے تفصیلی ڳالھ مہاڑ کیتی۔ وفد گورنر کوں صحافیاں دے مسئلے، خصوصی طور میڈیا ورکرز دے مالی مسائل، ملازمت دے تحفظ اتے صحافت دے شعبے دے بحراناں بارے تفصیلی ݙسیا۔ وفد میڈیا ہاؤسز اچ کارکناں دے حقوق دے تحفظ اتے ویلھے تے تنخواہیں نہ ملݨ کیتے حکومت توں مداخلت دی درخواست کیتی۔ گورنر فیصل کریم کنڈی وفد دے مسائل غور نال سݨݨ دے بعد یقین ݙوایا جو پیپلز پارٹی آزادی صحافت اتے میڈیا ورکرز دے حقوق دے تحفظ کیتے کم کریسی۔ انہاں آکھیا جو صحافت جمہوریت دا چوتھا ستون اے اتے صحافیاں دی فلاح تے بہبود حکومت دی پہلی ترجیح اے۔ گورنر زور ݙتا جو صحافیاں کوں چاہیدے جو او غیرجانبداری نال آپݨی ذمہ واریاں نبھاون اتے عوام کوں صحیح معلومات ݙیون۔ وفد گورنر خیبرپختونخوا دے مثبت ردعمل اتے صحافیاں دے مسئلیاں دے حل کیتے انہاں دے عزم دی تعریف کیتی۔
