مظفرگڑھ۔ 14 دسمبر (اے پی پی) مظفرگڑھ،تکھی رفتار مسافر وین دا ٹریکٹر ٹرالی نال تصادم،4 بندے جاں بحق، 13 زخمی تھی ڳئے۔ ریسکیو موجب کوٹ ادو توں ملتان ونجݨ آلی مسافر وین سنانواں دے نیڑے ٹریکٹر ٹرالی نال ٹکرا تے دکان اچ ونڄ ڳھسی۔ حادثے اچ چار بندے موقع تے جاں بحق جڈانجو 13 مسافر زخمی تھی ڳئے۔ پںج زخمی مسافراں دی حالت تشویشناک اے۔ جاں بحق تھیوݨ آلیاں اچ 42 سالہ جاوید اقبال،45 سالہ غلام عباس،58 سالہ غلام شبیر اتے 50 سالہ محمد عارف شامل ہن۔ریسکیو اہلکاراں زخمیاں کوں کوٹ ادو اتے سنانواں دے ہسپتالاں اچ پڄا ݙتے۔
