ریاض ۔16دسمبر (اے پی پی):مسلم ورلڈ لیگ اسرائیلی حکومت ولوں ملحقہ گولان دی پہاڑیوں دی آبادی کوں دو گنا کرݨ دے فیصلے دی مذمت کیتی اے۔ عرب نیوز دی رپورٹ موجب مسلم ورلڈ لیگ ولوں جاری کیتے ڳئے بیان اچ عالمی برادری تے زور ݙتا ڳئیا جو او اسرائیل دے جارحانہ اقدامات دی مذمت کرے اتے ایندے خلاف ایکشن ڳھنے۔ ایجھے اقدامات شام دی عوام کیتے سالیں تئیں مصیبتاں اتے ناانصافیاں اچ رہݨ دے بعد سلامتی تے استحکام دی بحالی دے امکانات کوں سبوتاژ کریندے پئن۔ مسلم ورلڈ لیگ زور ݙیندیں ہوئیں آکھیا جو شام دی خودمختاری دا احترام، علاقائی سالمیت اتے شہریاں دی حفاظت ضروری اے۔ گولان اچ 24 ہزار دروز رہائش پذیر ہن، جو ہک عرب اقلیت اے اتے انہاں اچوں ودھ شامی سنڄاݨ رکھیندن۔ اسرائیل 1967 توں گولان دی پہاڑیاں دے زیادہ تر علاقے تے قابض اے اتے 1981 اچ اینکوں آپݨے نال ملایا۔
