جوہانسبرگ۔16دسمبر (اے پی پی) جنوبی افریقا اتے پاکستان دی کرکٹ ٹیماں وچال ترائے ون ڈے انٹرنیشنل میچاں دی سیریز کل منگل کوں بولینڈ پارک،پرل اچ کھیݙیا ویسی۔ ایں توں پہلے جنوبی افریقا دی ٹیم پاکستان کوں ترائے ٹی ٹونٹی میچاں دی سیریز ݙو، صفر توں ہرا ݙتی ہئی۔ پاکستان دی کرکٹ ٹیم جنوبی افریقا دے دورے تے اے جتھ میزبان ٹیم دے خلاف ترائے ٹی ٹونٹی، ترائے ون ڈے دے علاوہ ݙو ٹیسٹ میچاں دی سیریز کھیݙسی۔ پاکستان ٹیم دی قیادت مایہ ناز وکٹ کیپر بلے باز محمد رضوان کریندے پئن جڈانجو پروٹیز ٹیم کوں ٹیمبا بووما لیڈ کریسن۔ ݙوہیں ٹیماں وچال ݙوجھا ون ڈے میچ 19 دسمبر کوں سپر سپورٹس پارک، سنچورین جڈانجو تریجھا تے چھیکڑی ون ڈے میچ 22 دسمبر کوں وانڈررز سٹیڈیم، جوہانسبرگ اچ کھیݙیا ویسی۔
