اسلام آباد۔18دسمبر(اے پی پی)وفاقی وزیر سرمایہ کاری بورڈ عبدالعلیم خان دی اڳواݨی اچ خصوصی اجلاس تھئے جیندے اچ پورے ملک دے خسوصی اقتصادی زونز دا سروے مکمل کرݨ اتے ٻئے اقدامات دا فیصلہ کیتا ڳئے، سارے اکنامک زونز دا ” ایریل سروے”، محکمانہ رپورٹ اچ ڈرون کوریج، وسائل و مسائل دی نشاندہی کیتی ڳئی۔ وفاقی وزیر ہدایت کیتی جو بورڈ آف انویسٹمنٹ سپیشل اکنامک زونز دے ٻئے محکمانہ امور کوں مکمل کرے، انہاں زوناں اچ چین توں صنعتاں دی منتقلی کیتے خصوصی اقدامات کیتے ونڄن، کراچی دا صنعتی زون پورٹ قاسم نال جوڑ تے ودھ سہولتاں ݙتیاں ونڄن۔ انہاں سپیشل اکنامک زونز اچ ” ون ونڈو” سودھا ساریاں سہولتاں اتے ممکنہ سیکورٹی دی ہدایت کیتی۔ انہاں آکھیا جو خصوصی صنعتی مراکز اچ 150 تئیں اصلاحات ڳھن آیاں وینداں پن جتھاں ماحول دوست” گرین پاکستان انویسٹمنٹ” آلی کار کم تھیسی، پاکستانی سفارتخانے غیرملکی سرمایہ کاراں نال روابط ودھاون اتے غیر ملکی سرمایہ کاراں دا ”پرائڈ آف پاکستان ” گروپ ٻݨایا ونڄے۔ وفاقی سیکرٹری بورڈ آف انویسٹمنٹ اجلاس اچ مختلف اقدامات تے بریفنگ ݙتی۔ اجلاس اچ ” تجارتی سہولت سینٹر” دی تعمیر دا جائزہ ڳھدا ڳیا۔(
