سنچورین۔23دسمبر (اے پی پی) جنوبی افریقا اتے پاکستان دی کرکٹ ٹیماں وچال ݙو ٹیسٹ میچاں دی سیریز دا پہلا میچ 26 توں 30 دسمبر تئیں سپر سپورٹ پارک، سنچورین اچ کھیݙیا ویسی۔ جنوبی افریقا اتے پاکستان دی ٹیماں وچال ترائے ٹی ٹونٹی اتے ترائے ون ڈے میچاں دی سیریز تھی ڳئی اے۔ جنوبی افریقا دی ٹیم ترائے ٹی ٹونٹی میچاں دی سیریز اچ گرین شرٹس کوں 0-2 توں ہرایا ہئی۔ پاکستانم دی ٹیم ترائے ون ڈے میچاں دی سیریز اچ میزبان پروٹیز ٹیم کوں 0-3 توں کلین سویپ کر ݙتا ہئی۔ ݙوہیں ٹیماں وچال ݙوجھا تے چھیکڑی ٹیسٹ میچ ترائے توں ست جنوری تئیں کیپ ٹاؤن اچ کھیݙیا ویسی۔
