لاس اینجلس۔24دسمبر (اے پی پی) امریکا دی نجی کمپنی سپیس ایکس 21 سٹار لنک انٹرنیٹ سیٹلائٹ زمین دے گرد مدار اچ چھوڑ ݙتے۔ شنہوا موجب انہاں سیٹلائٹس کوں فالکن 9 راکٹ نال فلوریڈا اچ ناسا دے کینیڈی سپیس سینٹر توں مقامی ویلھے دے مطابق رات 12:35 تے روانہ کیتا ڳئیا۔ 21 سیٹلائٹس اچوں 13 ڈائریکٹ ٹو سیل صلاحیتاں دے حامل ہن۔سٹار لنک دے انٹرنیٹ مشن دے پہلے مرحلے دے بوسٹر کیتے اے 14ویں پرواز ہئی۔ کمپنی موجب سٹارلنک منصوبے دے تحت دنیا دی انہاں جہیں تے تیز رفتار براڈبینڈ انٹرنیٹ سروس ݙتی ویسی جتھ انٹرنیٹ دی رسائی نی تھی سڳدی، مہانگی اے یا مکمل دستیاب کائنی۔
